موال .. ضًرب الودع

ضًرب الودع .. قال يا جدع
قلبك كبير نزف كتير م الحُزن ع اللى خانوه

نزلت دموع أجدع جدع سقت تراب أرض الودع

رد الجدع : كمل ياعم .. جوايا هم

حاولت لما تعبت .. يأست وأستسلمت
فكرت تهرب .. لبلاد بعيدة بعدت
لملمت جرحك وركبت بحرك لبلاد بعيدة سفرت
وندمت ع اللى خنوك

ليه ندمت ع اللى خنوك .. دول خسروا لما باعوك

الحكمة فى كلامك
والعلم رمز إيمان مرسوم على جبينك
و الغدر بيك ما يشين وهيوصم اللى خنوك

لو شلت هم فقير ومسحت دمع يتيم
هتلاقى رزق كبير من رب رؤوف رحيم

شق الطريق أتنين و الحيرة جوه العين
خايفين يعيشوا أتنين والروح تكون أتنين

رد الجدع
أسكُت ياعم جوايا هم والحزن جوه الدم
ما تزيدش همى وتخلى قلبى يرجع ينادى الحلم

نزلت دموع اجدع جدع سقت تراب أرض الودع

http://www.facebook.com/v/256757195072