Thursday, February 16, 2012

عزيزي المواطن الشريف الموافق دائما


عزيزى المواطن الشريف الموافق على بقاء مبارك لانه زي أبوك وأعتبرته أب
عزيزى المواطن الشريف الموافق على بقاء مبارك حتى سبتمبر 2011 خوفا من الفوضى و صدقت إسرائيل على الأبواب
عزيزى المواطن الشريف الموافق على كذب الإعلام و التليفزيون المصري بأن اللى فى التحرير بيعلموا علاقات جنسية ومدمنى مخدرات
عزيزى المواطن الشريف الموافق على الإستفتاء وترقيع الدستور خوفا على المادة الثانية رغم أنها ليست جزء من التعديلات
عزيزى المواطن الشريف الموافق على أن الجيش حمى الثورة .. حماها من مين وليه ما حاكمش المجرمين فى حق الثورة و المصريين لغاية الوقت
عزيزى المواطن الشريف الموافق على بقاء المجلس العسكري 6 شهور ثم 6 شهور ثم 6 شهور فوق الـ 6 شهور اللى طلبهم المجلس لتسليم السلطة فى بداية الأمر
عزيزى المواطن الشريف الموافق على سحل البنات وكشف عذريتهم مؤمن بنظريات توفيق عوكشه
عزيزى المواطن الشريف الموافق على أن ليبرالية يعنى أمك ما تلبسش حجاب.
عزيزى المواطن الشريف الموافق على مسرحية محاكمة العادلى و مبارك وأبنائه
عزيزى المواطن الشريف الموافق على محاكمة المصريين المدنيين محاكمات عسكرية رغم إن الشباب دي أهلك وناسك.
عزيزى المواطن الشريف الموافق على رجوع الأمان مقابل الحرية.
عزيزى المواطن الشريف الموافق على تصدير الغاز لإسرائيل خوفا من خوض الحرب مع إسرائيل.
عزيزى المواطن الشريف الموافق على الإحتفال بالثورة رغم عدم القصاص من القتلة.

عزيزي المواطن الشريف الموافق دائما
.. أحب أقولك أنك تصلح عضوا فى برلمان فتحي سرور .. فأنت مدمن على الموافقة

Wednesday, January 6, 2010

أنا إنسانه

أنا إنسانه عاشت عمر تستنا
تلاقى حبيب تعيش وياه وتتهنا
يسرقها م الدنيا و يدخلها للجنة
أنا إنسانه حلمت يبقى ليها حبيب
يعوضها ضياع أحلام وصبر سنين
وحيرة وخوف زى كتير بنات تايهين
أنا إنسانه جالها حبيبها فاتح ليها احضانه
فرحة عينها بالدنيا وكفاية عليه
سلم روحه فى إيديها وحلم حياته يرضيها وتخلص ليه
أنا إنسانه عاشت كل أيامها تقول أنا ليه
وأنا ولا لحظة أستحمل أعيش بعديه
وأموت لو يوم أضيع منه وأكون غير ليه
حبيبى أنا بس بحكيلهم عشان تفهم بقيت الناس بحبك ليه
حبيبى أنا بس بحكيلهم عشان تفهم بقيت الناس بحبك ليه
كلماتى وألحانى / محمد أبوعاصي

Tuesday, April 28, 2009

حبيب قلبك

اللى أعرفه عنك-- إني حبيب قلبك
اللى أعرفه عنك -- انه مفيش غيرى فى الدنيا بيهمك
معنى كلامك ايه؟ -- والمر اللى ماليه
ليه بتقسى على نفسك وبتجرحى ف قلبك
دأنا أعرفك قدك وأكتر كمان منك
سامحينى لو غلطان
سامحينى أصلى بغير -- والغيرة من طبعى
ما أقدرش أكون غيرى -- جواكى خبينى
أنا حبى ليكى اكيد -- يوم بعد يوم بيزي
د
سامحينى يا عمرى -- ما اقدرش أنا ابعد
مش بس علشانى -- كمان عشان خاطرك
أنا حبى يشفعلى مهما كبر ذنبى
عارف أنا طبعك .. وأيه ليا جواكى
للحب ده مقدر ولا يمكن أستهتر
ما اقدرش أكون غيرى ولا غيرى يوم ليكى
يفضى مكان قلبك ويضيع معاه قلبى لو يوم نقول نبعد

باين عليا بحبها

باين عليا بحبها أنا ولا ايه
بسأل عليها كل الناس .. بعمل كده ليه؟
.
احساسى بيها .. هو اللى خلى عيوبها تبقى فى عينى جنة
وأتمنى أعيش فى الجنة عمرى .. لو صعب يبقى كفاية ثانية
.
هو القدر
جمعنى بيها .. خلانى ليها وقلبى يبقى ملكها
واسهر ما أنام .. وجوه قلبى حفرة صورة لنفسها
.
بس النصيب فعلا ً غريب
ما أعرفش عنها أى حاجة ولا حتى عارف أسمها
.
غريبة لكن
ما أقدرش أقول غير إنى واحد شاف حبيبته فحبها
.
باين عليا بحبها أنا ولا ايه
بسأل عليها كل الناس .. بعمل كده ليه؟

Tuesday, April 21, 2009

خايف أجرح قلبها

فى عينيها كان بيبان عليها وكنت بهرب منها
واتجرأت .. سألت عليا .. قابلتها
سألتنى عن أحساسى بيها .. جاوبتها
ومن ساعتها بقول ياريتنى وقفت ساكت وقتها
قولت الحقيقة .. حسيت كلامى كأنه جرح ف قلبها
طلعت أكتر من حبيبها .. أنا أغلى ليها من نفسها
نزلت دموعها كأن فعلاً بيننا حاجة وإنى بعت وخنتها
صعبت عليا فقولت أقرب منها يمكن أحبها
لاقيت معاها كل حاجة وصعب ألاقى أنا قلب يشبه قلبها
بس الحقيقة إحساسى عادى .. ولا عمرى هقدر أحبها
ومن ساعتها أنا خايف أبعد أحسن أجرح قلبها

تملى تعبانى

هقول حاجة وسرى أمانة فى إيديكوا .. بس بجد يرضيكوا
حبيبتى تملى تعبانى .. بحاول إنى أهنيها
وكله بيجى ع الفاضى .. مفيش ولا حاجة ترضيها
كل ما حاجة تتعبنى .. أكلمها .. وتسمعنى
ونفس الحاجة تعملها وترجع تانى تتعبنى
وعكس كلامى يبقى الفعل .. أمانة عليكوا يرضيكوا
يفوت كام يوم .. وترجع تانى تصالحنى
فوسط كلامها تعاتبنى .. أنى بقالى كام من يوم مقولتش ليها وحشانى
وأطلع تانى أنا الغلطان .. وأقول يا حبيبتى وحشانى
أمانة عليكوا يرضيكوا

Sunday, April 19, 2009

لو تقربلى

يااااه لو تقربلى وتحاول تنسى اللى كان
تلاقينى يا حبيبى .. أنا دايب فيك شوق وحنان
طعم السعادة وحلاوتها .. حسيت فى غيبتك بقيمتها
فى القرب كانت فرحتنا .. يا ريتنا نرجع زى زمان
يااااه لو تقربلى وتحاول تنسى اللى كان
تلاقينى يا حبيبى .. أنا دايب فيك شوق وحنان
كان كل حاجة بتجمعنا .. حتى ف فرحنا ووجعنا
البُعد صعب ولوعنا .. يا ريتنا نرجع زى زمان
يااااه لو تقربلى وتحاول تنسى اللى كان
تلاقينى يا حبيبى .. أنا دايب فيك شوق وحنان
كل القلوب لو مرتاحه.. ولا فرحه بعدك ولاراحه
أنا لسه فاكر حكايتنا .. يا ريتنا نرجع زى زمان
يا ريتنا نرجع زى زمان

Thursday, April 16, 2009

مستخسر

كل مرة نعاد فيها بعض بنرجع
بس المرة ديا مختلفة
أصل خيانة قلب تحبه صعبة بتوجع

كل مرة بتغلط فيها
كنت بلاقي حجة و أراضيها
بس المرة ديا مختلفة
بكيتى عينى ليالى عليها

أنا مستخسر تسمع صوتى
أو صوت نفسى فى وقت سكوتى
أصل المرة ديا مختلفة
مش متحمل حتى بعينى أبص عليها

Wednesday, April 15, 2009

ما قدرتش أكذب على نفسى

حاولت أكذّب عينى كذا مرة ومعرفتش

حاولت أسماح واجى وأراضى وأنا المجروح وما قدرتش

يا ريته كلام وعليكى حكيولى لكن يا خسارة شفته حقيقة بعيونى

يا ريتها كانت غلطة وحيدة وتعدى .. ومين فى الدنيا مغلطشى

ياريتنى سمعت فيكى كلام
يا خسارة شفت .. بعيونى شفت
وما قدرتش أكذب على نفسى

ظالم أحن قلب

كنت فاكر جرحى أكبر من أى جرح
و أسهل عليا لو إنى مت
ولا إنى عشت فى لحظة أبكى من أغلى قلب
وفى يوم وليلة ظهر حقيقة
خليتنى أخاف افتح عيونى
لأشوف حقيقة إنى ظالم أحن قلب

Tuesday, January 27, 2009

بحب اتنين

بحب اتنين ومش قادر أنا أبعد عن الأولى ولا التانية
بحس بلهفه للأولى وشوق وحنان مع التانية
ومش هقدر فى يوم أختار .. ولو هختار أكيد هحتار
ماهو طبعا ماليش غيرهم
حبيبتى وأمى عندى فى عينى بالدنيا

Monday, January 26, 2009

شاخ حلمي

شاخ حلمي مُنذ كُنت فى رحم أمي
هويتي .. وطنيتي .. ذلاً لإنى قد ولدت لأب عربى
هل ولِدت كى أعيش فى سجنٍ كسجني
ما أنا إلا ضحية فى عهد مَن ولاه الله أمري
أحمل الحِمل وأخشى أن يكون همي .. ورث إبني وابن إبني
هل أعيش حامدٌ .. صامد ٌ.. أم أُلقى باللوم وأدعو على أبي وأمي

Monday, October 13, 2008

قادر أنا


قادر اداوى جراحى مع بعدك والاقى حبيية تحب بجد من بعدك
مش مكسور ولا مقهور ولا سهران بعد نجوم ولا جرحك بيوجعنى ولا بتمنى لو ارجع

ولسه هتراعى مشاعرى وتدارى .. فكرانى ايه يعنى .. فاكره هموت بعدك .. والله دا بعدك
قادر انا أبعد وأبدأ بحلم جديد مع حد يفمهني
علي أيه أنا هندم .. بعدك ده أحسنلي

مفيش حاجز هيمنعني أكمل حلمي للاخر
ومهما هشوف تعب في حياتي ولو فيها موتي مش راجع
ولو قالوا فيكي أحلا كلام تاني خلاص منيش سامع
هكمل حلمي للأخر
~ ~
ولسه هتراعى مشاعرى وتدارى .. فكرانى ايه يعنى .. فاكره هموت بعدك .. والله دا بعدك
أنا بس مستحرم أنك تضيعى وأعيش .. الذنب مش ذنبي
مين بعدي مين هيعيش في مكاني من بعدي

مفيش حاجز هيمنعني أكمل حلمي للاخر
ومهما هشوف تعب في حياتي ولو فيها موتي مش راجع
ولو قالوا فيكي أحلا كلام تاني خلاص منيش سامع
هكمل حلمي للأخر

قادر اداوى جراحى مع بعدك والاقى حبيية تحب بجد من بعدك
مش مكسور ولا مقهور ولا سهران بعد نجوم ولا جرحك بيوجعنى ولا بتمنى لو ارجع

Monday, September 1, 2008

لو ناويه تحبينى

مِن الأول كده وعلى نور
لو ناويه تحبينى
يتبقى فى حضنى طول عمرى
يعيش قاتل :: يموت مقتول
ولا إنك تسيبينى
بعد ماقولتى
أنت الحب
أنت العمر
أنت حبيبى نور عينى

مِن الأول كده وعلى نور
لو ناويه تحبينى
دوبى فى حضنى : دفينى
طاوعينى : ولا تحاولى تعاندينى

مِن الأول كده وعلى نور
هكون بيكى حبيب مغرور
ويمكن بيكى أعيش مجنون
لو يلومونى هحكيلهم
شوفوا حبيبتى نور عينى




Thursday, August 21, 2008

تخيل لما

تخيل لما تكون فى الدنيا
وأنت مالكش سند ولا ظهر

تفتكر بس ايه يحصلك
وأنت مالكش صاحب ولا أهل
لازم الدنيا تلعب بيك
تاخدك فيها وتوديك
ولا حد هياخد بإيديك
ولا هيقولك ايه الصح
مهما بتنجح حاسس فاشل
وانك ماشى غلط بالعكس
احمد ربك واترجاه
وأدعى يدوم النعمة عليك
ويخلى الصاحب والأهل
غيرك عاش فى الدنيا وحيد
ولا عنده لا صاحب ولا ظهر

Wednesday, August 20, 2008

أنا لو أعرف

لما فى قربك ءالاقى الجنة
هأطلب ايه أنا تانى وأتمنى
يلا تعالى فى حضنى بسرعة
أنا مش قادر ثانية أستنى
طول الوقت عينيك عليا
وأنا قال فاكرك مش حاسه بيا
كان باين حبك فى عينيكى
وأنا قال فاكرك صعبه عليا
ياريتنى من أول ما شفتك قولتلك
ولا إنى طول الوقت بحرم نفسى منك واحرمك
ياريتنى من أول ماشفتك قولتك
أنك حبيبتى حلمت بيكى حتى قبل ما أعرفك
د أنا لو أعرف كنت هقرب
أكتر من اللى مبينا واجرب
إنى ءأقولك ع اللى ف قلبى

Tuesday, August 19, 2008

معنى الحبايب

لما معنى الحبايب عندنا
هى أنتى وهو أنا
ايه اللى خلا العند يملا مخنا
غلطنا يوم لما فارقنا بعضنا
مين غيرنا بس يقدر يدفى حضننا

غلطانه أنتى
طبعاً غلطتى لما بعدتى
وغلطت لما أنا قولت عادي ومش حبيبتى
غلطنا يوم لما فارقنا بعضنا
مين غيرنا بس يقدر يدفى حضننا
شوف قد ايه من عمرنا ضاع بالعناد
شوف قد ايه صابر أنا لطول البعاد

عارفك فى يوم راجع أكيد
حالك ده حالى و كل يوم الشوق يزيد

وحياتى قرب
حاول وجرب
وكفاية ظلم فى قلبنا
مالناش حبيبى غير بعضنا

معنى حبيبى
هى انتى وهو انا

لفيت وعرفت

لفيت وعرفت وشفت بنات فى الدنيا كتير وقليل
وأنا زى حبيبتى وروحى وعمرى ما شفتش ليها مثيل
أنا بعشقها آه ياقلبى
ولا قادر أنا أخبى
وبعشق كل حاجة فيها
ولو مش فيها بردوا عيوبها تعجبنى

حلمت فى يوم أكون ليها وأهنيها
خلاص الحلم أهو أتحقق
ودمع الفرحة نازل يجرى على خدى




اللى شافونى معاها

كل اللى شافونى معاها
عرفين ايه ليا جواها
كل اللى شوفنى معاها
حسوا بشوقى اللى ملاها


عشانها تعبت وأتحملت
وكنت فاكر هلقاها
لاقيتها راحت لحضن حد
ونسيت قلبى اللى هواها


لوعايزا تحرمينى يا دنيا
كنتى أختارى حاجة تانية
كان ليه نصيبى تضيع منى
وعليها أحزن وأغنى
كان ليه نصيبى تضيع منى
ويفضل قلبى أنا وياها

حبيبى الأولانى

حبيبى الأولانى .. رجع كلمنى تانى
سأل أخبارى ايه
قال يعنى ما شافش حالى
ولا بعده جرالى ايه .. وهو برده البركة فيه
أنا كنت الحلم ليه .. دالوقتى بصعب عليه
وبيسأل قال عليا .. واخبارى مهمة ليه

بيينى وبينكوا

بيينى وبينكوا أنا أتأملت فى عينيها
شوفت حاجات ولا عرفت تخبيها
كلام وافى :: كلام دافى
ولا كل كلام الشعراء يوفيها
ضحكة ليا بعنيها
قالت والله رايدانى
ضحكة ليا من تانى
بصوا الناس وحسدونى
وكان ناقص يلومونى
عشان حضنتنى بعنيها


بيبنى وبينكوا أنا أتأملت فى عينيها
سرحت وتهت نواحيها
هى لاقيتنى سألتنى
خدتنى رجعت فى ايديها

تحسبينى نسيت

أسفٌ أنى جعلتك تحسبينى نسيت
لكن بُعدى كان ضيق .. جعلنى على نفسى أنطويت
سامحينى أنى خشيت وجعلتك تحسبينى نسيت

ألم تفهمى أنى شئتك حُباً ما حييت
كيف تُكذبين حواسك وتؤمنين أنى نسيت

هل صبرك ما كفاك .. وأشتريت بلهفى عليكى ضيق
هل تمنيتى بعد الفراق لقاء .. أم أن قربى والبعاد لديك سواء

ألومك .. والمَلام عظيم .. ولا يُلام إلا من له فى القلب مقام
أريد جوابا يشفى الغليل .. بلا أى نسق بحرف الكلام

هل ظهر فى عالمك من يهديك الطريق؟
وأنتهينا عند مفترق الطريق

إن صدقتى نفسك .. فأنا لا أُصدق أنى مجرد صديق

فى نفس الشهر

فى نفس الشهر من كل سنة
ءأقابل واحدة تخطفنى
تقرب ليا وأقرب منها
تحاول انها تعرفنى
وندوب فى بعض
ونتوه فى بعض
وتقول حبيبى وتعشقنى

وتمر علينا شهور مع بعض
وتقول نصيبنا نبقى لبعض

وتمر علينا شهور مع بعض
وقبل من قبل ما نكمل سنة
ءلاقيها جايه وعيونها حايرة
عماله تبكى وتقولى امشى
عريسى ممكن يلمحنى

فى نفي الشهر من كل سنة
انا نفس الموقف يحصلى
ءلاقيها جايه وعيونها حايرة
عماله تبكى وتقولى أمشى

شهرين فى السنة ويايا
الأول شهر بداية
والتانى نهاية لحكاية

شهرين فى السنة ويايا
كفاية يا نصيبى كفاية
مش أول مرة معايا

كفاية يا نصيبى كفاية
أنا خايف تبقى حكاية
فى نفس الشهر من كل سنة



Monday, August 18, 2008

رجعت تانى صالحتنى

رجعت تانى صالحتنى
مسكت ايدى ,, حضنتها
نزلت دمعه ,, ودارتها

مسحت عينيها وأتبسمت
نزلت دمعه .. مسحتها
مسكت أيدي وباستها
نزل الدمع من عينها على ايدى وبلتها

مسحت عينيها وأتبسمت
قالت فى البُعد أنا أتعلمت
تخيل قد ايه أتألمت
مفيش قبلك مفيش بعديك
ولا يمكن هكون غير ليك
معاك بأملك أنا الدنيا
ولا غيرك ملا عينيا

مسكت أيدى حاضنتها
مسكت أيدي وباستها

قالت فى البُعد أنا أتعلمت
تخيل قد ايه أتألمت
ولو ضاع بينا يوم فى بعاد
بأحلف حتى ما بعدتش ولو ثانيه
تملى فى بالى وفى قلبى
وصورتَك نن فى عينيا

مسحت عينيها وأتبسمت
وقولت خلاص حبيبتى سامحت
لأول دمعه فى أيدي
ا

Sunday, August 17, 2008

ظلمُ فى قاعة محكمة

سلام .. قيام
تحية أهل المحكمة
سلام ٌ فى قاعة محكمة
حكمٌ برد المظلمة
ظلمُ لرب المظلمة
دمعُ يسيل به انكوى مَن كان حقه مظلمة
نساءٌ تصرخ مع بكاء .. صوت النحيب مع العواء
طفلٌ رضيعٌ فيه داء .. يصرخ لما له مِن نصيبٍ فى الشقاء

ظلمٌ فى قاعةِ محكمة

ظلمٌ فى قاعةِ محكمة .. صاب العباد بحُكم فاسد فى البلاد
شرٌ يُقام بأصل ثابت كالعماد يحسب شراب الماء زاد
يوم الميعاد .. هو الميعاد
يومٌ ُتردُ المظلمة
صبراً أخى .. لا تلقى عزمك فى الهواء
علمت أن الحُكم داء .. وأن لكل داءٍ دواء

حياءُ امرأة

حياءُ امرأة
ما أحمقه إن صدقه رجل تُهدى يديه الورد
مع مكتوب يوصف حب .. يرجو القُرب بَعد البُعد
ما أحمقه إن صدقه
يا من تكتب شعراً لها .. كل النسوة شبيها بها
تمهل وأبحث فى طيها .. علك تعثُر عثراتها
كل نساء الأرض سواء .. هن السم وهن الداء
تذرف كلاً منهن دمعاً .. تَكسر شيئاً .. تَُحدث ألماً
أحذر قلبك ان تكسره .. ما اثمنه فلا تخسره

ما أرتضيت لها

لإن عُرضَت علي السماء والأرض بعدما تركتها
ما أرتضيت .. حتى ولو قام لاجلي يوم قيامها

لإن جف منها دمع العين و الدم فى شرايينها
على أن اعود.. ما أوليت وإن وقف النبض حُزناً فى قلبها

غاب غمام تلك الشئ .. وذهب وهم الحب فى أشباهها
وهبت ووفيت والان لا أسأل عن مَن لا يُرثى لها

Tuesday, June 24, 2008

إلى اللقاء .. وفيكى البقاء

كان لى أملاً أن تَدومى بين بينى ونَرتقى
لكن تشاءُ الأقدار ما فوق قَدْرى وفَوقكى
كان حلمى أن تكونى أنتى عِلمى
يا ليتكى .. .. لكنكى .. .. شكراً لكى
لن أُطيل حديثاً أو أرجو بَقَائكى
سمعاً وطاعة أهلى عِشقى ولوعتى
قد مات فينى لاجْلِكى .. ما بقلبى بِسَبَبكى
إلى اللقاء .. وفى حياتك عنى بقائكى

Sunday, June 22, 2008

كُن كما كُنت تُريد

لا تخشى .. لا تستحى .. كُن كما كُنت تُريد
كن حرف بارز لا ينمحى ... كن صهر نار مِن حديد
كُن كما كُنت تُريد ولا تَخشى أمانى الحُلم فى الوطنِ الجديد
وأصبر الصبر الجميل فبعد شهر الصوم عيد
كُن كما كُنت تُريد

Thursday, June 19, 2008

غريب ٌ أمر هذى البنت

!!! غَريب ٌ أمر هذى البنت
تُلاحقنى .. تُلاطفنى وإن أبعُد تُهاتفنى
تسألُ عنى عند الجار .. أهل التقوى والفجار
تسألُ عنى كُل الناس ومَن بالكادِ أعرفُهُم
::
!!! غَريب ٌ أمر هذى البنت
تُتدهشُنى برِقَتِها وسحر الشوق يَملأُها
بديعٌ وجه هذى البنت .. كنُور الشمس فى ضُحاها
فى حَر الصيف تَروينى .. براداً لون عَيناها
أخجل حين رؤيتها .. لشدةِ حدق عَيناها
تُتَابعُنى بنظراتٍ .. كلام الحُب مرساها
::
!!! غَريب ٌ أمر هذى البنت
تفعل كل أفعالى كأنى نصفها الثانى
حتى الحلم فى خيالى تُكمل جزئه الثانى
::
لكن يَبقى أن أعرِف .. مَن مِننا الأول .. ومَن قد كمل الثانى ؟؟

Wednesday, June 18, 2008

صديقة

لدي صَديقة
يَسكُنُ فيها معنى الحَنين
قوية كجذرٍ لغُصن مَتين
ولم يُحنها غَدر السِنين
أراها رقيقة فوق الخيال
وعند الشدائد مثل الرجال
تبوح بسِركَ فى حضرها
فتُخفى كلامك فى بئرها
تَسمع قلبك قبل الكلام
فتنطق عنك رغم السكوت
تراها بريئة ونعم الصَديقة
كغيثٍ فى قلبٍ بعد الجفاء
تَسمعُ فيها نبض الحياة
فتعلو شفاتك بسمة رضاء
تَترُك فيكَ أثراً عميق
كلحن بديع بصوتٍ رشيق
فنِعم الصداقة .. ونِعم الصَديق

Monday, June 16, 2008

ليلة البُعد

لا مجال مِن رَجاء أو نَحيبٍ أو بُكاء
هذه ليلة البُعد عنكى أُعلِنُها صراحةً
أُعلِنُها مُدويةٌ على ملإٍ مِن رِفاقك
لست أنا الرَجُل الذى تُريدين
فلم أُخلقُ مِن ضِلعٍ أعوجٍ كما خُلقتين
تجرحين وتحسبين أن تداوينى السِنين
فى وضح العيون تُغَفلين جَهل عمدٍ تفعلين
أسفٌ أنى حزيم ولم أدَعَكى تَحكُمين
صُلب عقلى لن يَلين ولا يُصدَرُ عنى الأنين
أعلم مَن أكون كما أعلم مَن تكونين

Sunday, June 15, 2008

مفيهاش عَمَار

مبارك ياللى دَارك .. دَار خَراب مفيهاش عَمَار
حس على دم اللى جَابك .. مُوّت وخَلص بإختصار
شعبك اللى جَنيت عليه .. يوم حسابك شكله أيه
أصبر بكره تروح عليك .. وأبن "شوزى" يدوس عليك
خايف تمشى وسط شعبك .. أصله نفسه يصفى دمك
خلى ماما بتاع فخامتك .. تدعى لسيادة عظمتك
شعب "نصر" بيدعى ليكى .. نارة الاخرة تشوى فيك
حسبى الله الوكيل .. فى اللى نافقك .. قال عظيم
كل واحد قال آمين ..يبقى شهم وفى السليم
حِب "شوزى" .. حِب نشوى
اللى تحبك تبقى هبله .. بس هبله وماسكة طبلة

شارع المرحوم جار الصعاليك

أسكن فى شارع المرحوم جار الصعاليك
ويطل شباكى على حَمْام جارى اللصيق
لم أعترض على رائحة المكان أو ما به من ضيق
لكن ثورتى لأنى ليس لى جاراً صديق
رغم أنى جار المرحوم جار الصعايك
::
نمت وصحيت
وإذ بالشارع يزحمه رجال.. يُرمز إليهم بالجَمَل أو الهلال
يوعدون بالقماش فى عيد سيدى العراء
ويقولون حقى أن أجد فى بيت جارى شربة ماء .. إذا ما حل فى بيتى فصل الجفاء
وأن صوتى يستحق الشِراء
عفواً .. لم يقصد أنى أستطيع الغناء .. بل ضم صوتى إلى صندوقٍ للإستفتاء
وكم سعدت انى يأخذ صوتى أحد الأثرياء
فقد وعدنى بملحفٍ يقينى شر العراء .. إذا جاءت الانتخابات - الماضية - فى فصل الشتاء
::
نمت وصحيت على عواء نساء يمزجون الصرخة بصوت البكاء فيشبعون ويحمدون الله على البقاء
وكلهم أملٌ فى تجديد قانون أو عمل استفتاء
فحمدت الله .. ومرت على الأيام سواء .. أكُل خبزاً لذيذاً .. والحُلو شربة ماء

Monday, May 26, 2008

أحلام الخليفة

تجمع الناس فى الميادين ناظرين سماع قرار خليفة أمير المؤمنين
فى رعبٍ حل بكل مختلسٍ و ذى منصبٍ مختال أثيم
وتوجست أنفُس الناس خيفة حينما علموا مَن سيكون ولى عهد الخليفة
لكن تَبدلت الظُنون .. فسَيسود القانون سواءٌ كنت غفيراً أو أبن أمير المؤمنون
والعدل على رجال القوم يقوم .. مع الرأفة بكل مظلومٍ وكل ذى حقٍ مهضوم
فقد أعلن "جمال" يومياً ذبح ألفٍ من الجِمال وعلى نفقته .. وليس من بيت المال
هلل طلاب المال وكل من عاش فى الفقر خمسةٍ وعشرين عام
وأندهش العجائز متمتمين .. ألم تكن هذه وعود الخليفة الحالى من سنين
وتَسائل البعض .. مِن أين لإبن الخليفةِ مِن مال !
أيكسبُ الخليفة كل هذا المال .. أمرٌ محالٌ أن يكون حلال!!

Wednesday, April 23, 2008

رسالة بلا رجاء

ما حَلِمَ رَجُلٌ يُحِق الحَقَ يوماً أن يُذِل النِساء
لكنى حِذَفتُ مِن قاموسى كَلِمَات معنى الرَجاء
فاخلَعى مِن خُلدَكِ والبال أن أهواكى بإنحِنَاء
لاتقربى الكِبر والأهواء واعكُفى على حُبى بإشتياق
وإن مُت قَبل اللقاء فأقرَبى صِلَتى ما دُمت فى قلبك باق
أحلمى وأجمعى ما شِئتِ من نجومِ السَماء
فكِسْر الخُبز من عرقى خيرٌ مِن بساتين الأرضِ والسماء
ما لكِ والكبرياء فإنه للقلبِ كرداءِ داء
أستَحلِفُكِ بربِ الحياة أن تَحفَظى ماء الحياء
فأنتِ الدُرةُ فى القلبِ للعاشقِ المُشتاق

لقاء الأشتياق

كُلمِا قل سماعى للكلمات أعلم أنك عنى فى انشغالات
هيهات لك حلم البُعد هيهات .. فالقلب معكى ولا أحطات
ردى على ولو بآهات فالآه منك تعنى غير باقى الآهات
إن أرحتى القلب برَدْكِ فما بالكِ بضَم حُضنى ولو لحظات
ولو كُنتُ عَصياً لأمى وعاق فأنا بين يَدَيكى هزيل الساق
أحملُ جَسدى رغم عنى مِن المُسكِرات والخَمر فى عَيناك
أرحمى من إلى القُرب أشتاق وزادتهُ الغيرة مِن غَيرهِ ما لاق
غيوروٌ كحد السيف لكن غيرتى تعصرنى فى كل ميقات
أُحب سماع .. "أعشقك" .. حين النظر فى عَيناك
و يطول عمرى لو صدم وجهى رائحة أنفاس الأشتياق
والريق على الشفاة هو ترياق الحياة كطعم رحيق المَلِكات

تميم الشيمة

عذرت كل شاعرٍ قالَ فى أميرٍ غالى على النفسِ .. قصيدة
بعد ما أتهمت أهل المَدح بالنفاق .. لقيت حالى أقول فى أميرٍ .. قصيدة
والله مو كذب رأيته فى منامى كريم مهاب الطلة .. كأنه فارس أحلام
ودايم قول على لسانى .. صدق الأمير ابن الأمير .. ابن الكرام الأكرمين
وما عسى لسانى سوى المدح فى شيمة بن تميم .. وابنهم فارسهم تميم
صح لسانى اذا مدح تميم القصيدة .. وما يُوفىِ ما فى تميم الشيمة

Sunday, February 24, 2008

إياك يا قلبى

مكسور والصوت حزين
إياك يا قلبى دمعتك تلمس عينيك
خليك حابسها وكاتم الصرخة بإيديك
إياك تقول إن الفراق صعب عليك
حافظ على الحزن اللى ساكن جوه قلبك
خليه علامة غدر لخيانة حبايبك
خليك قوى .. زى اللى هانت فرحتك جوه فى عينيه
وأقوى كمان من اللى هانت فرحتك جوة فى عينيه
اياك تحن ... بطل تأن
إياك يا قلبى دمعتك تلمس عينيك
خليك حابسها وكاتم الصرخة بإيديك
إياك تقول إن الفراق صعب عليك

Monday, January 14, 2008

نعم أعتراض

قول بعلو الصوت نعم
نعم أعتراض على كل ظلم وصوت ألم
نعم أعتراض لما العباد تصبح فى حال شبه العدم
خلى الكلام يوصل ندم لكل خاين باع القضية أو ظلم
نعم وصرخة بدون حجاب تفتح بصوتك ألف باب
نعم بحرقة و قول "عُمَر" خلى الغيوم تنزل مطر
نعم أعتراض .. ترفع علم .. تبنى الوطن
نعم أعتراض

Wednesday, December 26, 2007

زهرة أرض جنانى

ما تُوصَف بالخُلدِ جَنةً إلا بزهرةٍ مثلكى
لم ترى العيون دُرةً فى الحياةِ مثيلٍ لكى

ما لكى فى الجِنانِ مثيلٍ كأنك خِلقتي وتفصيلى
سُبحان مَن أَبدع بسمةً أقُولُ فيها مواويلى

أشتهى رحيقَ شَفَتيكى يا زهرة أرض جنانى
بك يَنبض قلبى فمن غَيرك سر إشتياقى وحنانى

حماكى يا علم الجَمال أرفَعُهُ على هامات جبينى
أقولُ وما يُوفى القول فيكى ولا شِعرى وتلحينى

Wednesday, December 19, 2007

موال .. ضًرب الودع

ضًرب الودع .. قال يا جدع
قلبك كبير نزف كتير م الحُزن ع اللى خانوه

نزلت دموع أجدع جدع سقت تراب أرض الودع

رد الجدع : كمل ياعم .. جوايا هم

حاولت لما تعبت .. يأست وأستسلمت
فكرت تهرب .. لبلاد بعيدة بعدت
لملمت جرحك وركبت بحرك لبلاد بعيدة سفرت
وندمت ع اللى خنوك
ليه ندمت ع اللى خنوك .. دول خسروا لما باعوك

الحكمة فى كلامك
والعلم رمز إيمان مرسوم على جبينك
و الغدر بيك ما يشين وهيوصم اللى خنوك

لو شلت هم فقير ومسحت دمع يتيم
هتلاقى رزق كبير من رب رؤوف رحيم

شق الطريق أتنين و الحيرة جوه العين
خايفين يعيشوا أتنين والروح تكون أتنين
رد الجدع
أسكُت ياعم جوايا هم والحزن جوه الدم
ما تزيدش همى وتخلى قلبى يرجع ينادى الحلم

نزلت دموع اجدع جدع سقت تراب أرض الودع

video

Tuesday, December 18, 2007

لو دامت لغيرك

ترى معنى الكلام غير (1) بس (2) منو (3) يفهم مابين سطرين
ما أقصد أهين أهل الكرم والجود ترى (4) هم ألف أو ألفين
بس أنبه اللى (5) يعيل (6) أشكال على إخوانة بنى الإنسان
يا أخى ترى دنيا فانية (7) مو (8) بغُطرتك (9) ولا بثوبك تصير إنسان
لو دامت لغيرك ما كنت خليت (10) الغنم وضرب الصوف والألبان
أراك أصغر مما ترى نفسك لأن صغر العقل ماهو الا للغلمان (11
يا حبيب خلك (12) من كبرك وكبر عقالك (13) وياليت عقلك بحجم عقالك
ترى مو (8) بكبر عقالك (13) يصير (14) عقلك -- عقل إنسان
حرام أنك تعيش بين البشر مخدوع وما تدرى حقيقتين
الأولى أنك ميت وما على الدنيا إلا فان (7
والثانية أنك صغير في عين كل اللى يروك حيوان
مخدوع ياراعى البر (15) والكشخة (16) أنك صحيح إنسان
تحسب منو (2) أنت؟ ءمِن شعب الله المختار؟
!لو تبى تقص (17) لى عن فخرك وسيرة الشجعان
لا تقل لى شيمة (18) ولا خيمة ولا رَبع (19) ولا خِلان
ترى بلادى بلاد الشيمة (18) أرض خيرة الفرسان (20
وأنا بس (1) أروى (21) كلام سيدى المصطفى العدنان (22
وانبه اللى يعيل (2) اشكال على إخوانه بنى الإنسان


إن المذكور أعلاه ينطق باللهجة الخليحية وتم أستخدام بعض الكلمات الدراجة فى هذه اللهجة


معانى الكلمات

معنى الكلام غير : المقصود أن معنى الكلام يحتاج فراستك وذكائك لتفهمه

بس : تعنى فقط ، ولست أكيد من اصلها العربى

منو : مَن .. بمعنى الذى

ترى : تستخدم فى اللهجة الخليجية لتأكيد الجملة التى تليها

اللى : الذى

يعيل: يُعيب أو يعاير أو يقلل

فان: هالك

مو : ليس

غُطرة: هى حجاب يضعله الخليجين من الرجال على رأسهم، وهى جزء من الزى التقليدى

خليت : تركت

الغلمان: الصغار من الاولاد

خلك : أترك او أعرض عن

عقال: هو مثل تاج لونه اسود يوضع فوق الغطرة

يصير : يُصبح أو يتحول إلى

البر: هى المناطق الصحراوية ، تستخدم عادةً للصيد

كشخة: يستخدمها الخليجين للتعبير عن التانق فى الثياب. اصل الكلمة ايرانى وتعنى مخنّث. وهى دخيلة على اللغة العربية

تقص: تحكى

الشيمة: هى صفات النبل والشجاعلة والكرم الاصيل

رَبع : الأصدقاء والأصحاب

أرض خيرة الفرسان: المقصود بها " مصر" ، فلا احد يستطيع أن ينكر دور مصر منذ الفتح الإسلامى مرورا بصد التتارحتى الأن ،حتى وإن قل جهدهم حالياً لأسباب اقوى من إمكانيات المصريين

أروى: احكى وأنقل كلام

المصطفى العدنان: سيدنا رسول الله "محمد بن عبد الله" عليه الصلاة والسلام.قال رسول الله صلى الله عليه وسلم للصحابه ( إذا دخلتم مصر فأتخذو منها جندا كثيراً فهم خير أجناد الأرض وهم في رباط الى يوم الدين )ويقال انه حديث ضعيف ، ولكن إن قال رسول الله فقد صدق وإن لم يقل فأعوذ بالله مما صنعت

عالمى الثانى

تطرقت أناملى الى قلمى وكتب كلمات
كتبت بلا ههدف أو معنى
إلى أن تغير شكل ساعة يدى من أخر مرةٍ أجتمعنا بها
لكن يرفض الوقت أن يمر
أخشى أن يفوت العمر وما نلتقى أبداً
!! "أبداً"
لم نطقت هذه الكلمة
أرهقنى معنها الذى يسود الصمت من بعده
قلتها وسكت كأنى نَسيت حُرُوف كلماتى
لا أتذكر متى عاد الدم يجرى فى شريانى
تجمد الوقت كما تجمدت فى مكانى
ولا أدرى متى استيقظت

لكنى رجعت الى عالمى البشرى
مع هزهزة أنطلاق قطارى

ربما نسيت أن أذكر بأنى كنت فى عالمى الثانى
لكن حمداً على الرجوع فقد كنتى فى إنتظارى

بردانه هتغطي

علي بابي فيه قطة مرسومه بالألوان
رسمة واحد فنان مشهور من المشاهير
خايفه أقول أسمه لتسرقوا القطة

بصراحة أنا بأكذب والقطة حقيقية
قطوطة عسولة سمتها على أسمى

اسمى أنا "توتا" و القطة على أسمى
سمتها علي أسمي وكثير بتشبهني
بنام وبحضنها وفى حضنى تدفأ
خايفة تغيروا منى وتسرقوا القطة

خلاص هأقول الحق
ولا صورة ولا قطة .. ولا برد ولا حاجة
أنا نفسى اجيب قطة
الاعبها واحميها ومعايا أربيها
فى الصيف نروح البحر وتجرى ع الرملة
والاعبها بالكورة الى هجيبهالها
وارمى أنا الكورة وتروح تجيبهالى

خلاص هأقول الحق
بردانه هتغطي .. أنا خايفة من القطة
يا ماما انا خايفة... أنا خايفة من القطة

كافى شوب عم الحج

عمي وعم الحج فتحوا محل عصير
في حي راقي كبير

مرايات في كل مكان .. و إضائه بالألوان
ونيون علي اليافطة .. والأصل ع اللفتة
في أسم شيخ الحي .. على أسم عم الحج

ركز كدة معايا .. اسمه بقي كفايه
كافي شوب عم الحج

وزرت عم الحج .. وطلبت حاجة ساقعة

وصي علي الحج .. بنتين لكن جامدين
الواحدة ضحكتها .. بتحرك القاعدين
ضحكتلي صاحبتها .. طقت كمان ضحكة
قام سقف القاعدين

مش هأحكى ع الجيبة .. دى طولها شبر ونص
من فوق ومش بالعكس .. وعيون كثير بتبص
والله مسكينة .. شقيانة طول الليل .. وبتأخذ الملاليم
عشان صاحبنا الحج .. يجمع الملايين

غابت شوية البنت .. وجابتلى حاجة ساقعة
جابتلى حاجة صفراء .. بالثلج مع صودا

شربت قمت شرقت .. وندهت عم الحج

وبدهشة أنا أستغربت
معقولة عم الحج .. بيبع حاجات صفراء
فسألت عم الحج

رد عليا وقال
يابنى هتبقى حمار .. فى الدنيا دى لأمتى
أصحى وشوف الجو .. كافى شوب عم الحج

فى الوقفة جاله أمين .. شغال مع الشرطة

هيصله عم الحج .. وعمله قيمة وجو
اهلا ساعت البيه .. اقعد وخذ حاجة
شيشة وتعميرة أو كاس وتفاحتين

حوار ودار بينهم .. وبدهشة بسمعهم

أهلا ياعم الحج
الباشا بيسلم .. يمكن يمر عليك
بصيوفة هيجيلك .. والسهرة نص الليل

وبلهفة رد الحج
اهلا فأيها وقت .. بالباشا أو بالبيه

البيه ده يبقى أمين .. والباشا حاجة تانية

تأمر بحاجة تانية

والله كلك زوق

عينيه انا للبيه .. احلام سعادت البيه

وفى جيبة مد أيديه .. طلع شوية زوق
خذهم سعاد البية .. كأن من حقة

رد عليه البيه .. سلام كدة كفاية
البوكس فى الشارع .. ومعطل الماشيين

والله كلك زوق .. قلبك حنين ليه
خلاص سعادة البيه
سلم على الباشا .. وقوله حالنا تمام
ومزاجنا عال العال .. والشرطة حاميانا

عينيا عم الحج .. تأمر بحاجة تانية

شكرا على الخدمات وأوامر الباشوات ورقبتنا سدادة

حوار ودار بينهم .. وبدهشة بسمعهم فى كافى شوب عم الحج

عطشان وقلبى أرتوى بالعشق مالينى

قالول الطرب ليه اهله وناسه
واللى يعشق الطرب يبقى من أهل الهوى وناسه
وأتارينى صوت الطرب فينى
وقلبى لأهل الهوى بالعشق مالينى
ولكل عاشق دوا ، ودوايا فى احاسسى
وفى صوتى نبرة أمل تلمع كما الماسى
أموت وما ينولد اليأس فى إحساسى
وفى صوتى يبقى الشجن تاجٍ على رأسى
وفى كلمتى لحنى وصوتى واشجانى
لو طال ما طال الأمد ما يتنسى صوتى
ياعشاق الطرب غنوا معى وقولوا
عطشان وقلبى أرتوى بالعشق مالينى

ما من حياةٍ إلا بحياة

ما أنا فيكِ إلا نهراً
أروى شرايين حياتك
فأنت شعبي وأرضي
سخرني ربى لكِ سراً
وما من حياةٍ إلا بحياة
وما من سر إلا من الإله
يُحييك ربى بحياتي
وما لك بعدي من حياة
وما لي بعدك من حياة

Monday, December 3, 2007

زنجرانى

زنجرانى

شخصية أسطورية فى عقلى الباطنية

أسم الدلع زنجر

عاش بطل زنجر معايا فى الحكايات
بطل رومانسيات وحرب شعبية
شهم ونبيل حساس شايل هموم الناس
بيحس بيك قبلك ويخاف على قلبك
زنجر كثير وأتخنق وحرق كمان دمه..
وكان سبب همه .. هم الناس ومش همه

مجنون لكن إنسان بيحق حق الناس حتى على حسابه

وجنانه مش للشر .. تف بعد الشر

ده جنانه حاجة تانية .. جنانه فيه الخير ألوان ما تتعدش

طب ليه بقول ده جنان .. ردى بسيط يا أخوان

اسأل بنى الإنسان يحكوا حكايتهم

وأحكم على الحكايات ولا حلم فى الروايات

لو مرة عاش فى حياة فيها شوية ناس أمثال ما نعرفهم

يتجن يا ولداه ويعيش مناخوليا

ملوخيا ايه وكلام .. يمكن كمان بنجر

::

مرة سأل زنجر عن اصل كلمة خير

جاوبه ولد أستاذ درس فى مدارسنا

بلا خيبه مدارسنا .. أسكت لا تحبسنا

أسمع وشوف إعجاز فى جواب ولد أستاذ

خير: يعنى خيار فى السلطة ريحته صابون.

حد فهم حاجة ؟!

لو حد فهمنى يبقى أكيد أستاذ شغال فى مدارسنا

::

اسكت يا أخينا خلاص هيموت خلاص زنجر

شكله بيسمعنا فبلاش يوجعنا ده كلامه زى السم

خلينا فى وجعنا احنا كده تعبنا

خلينا فى الحكايات وحرام عليك زنجر

أحكى عن الماضى خلينا لينا لازمة

::

لازمة على لسانى وبقولها طول الوقت

ناموا ولا تستيقظوا ما فاز إلا النُوموا

شعبٌ إذا ضُرب به الحذاء صاح الحذاء بأى ذنبٍ اُضربُ

::

زنجر كثير واتخنق وحرق كمان دمه..

وكان سبب همه .. هم الناس مش همه