بردانه هتغطي

علي بابي فيه قطة مرسومه بالألوان
رسمة واحد فنان مشهور من المشاهير
خايفه أقول أسمه لتسرقوا القطة

بصراحة أنا بأكذب والقطة حقيقية
قطوطة عسولة سمتها على أسمى

اسمى أنا "توتا" و القطة على أسمى
سمتها علي أسمي وكثير بتشبهني
بنام وبحضنها وفى حضنى تدفأ
خايفة تغيروا منى وتسرقوا القطة

خلاص هأقول الحق
ولا صورة ولا قطة .. ولا برد ولا حاجة
أنا نفسى اجيب قطة
الاعبها واحميها ومعايا أربيها
فى الصيف نروح البحر وتجرى ع الرملة
والاعبها بالكورة الى هجيبهالها
وارمى أنا الكورة وتروح تجيبهالى

خلاص هأقول الحق
بردانه هتغطي .. أنا خايفة من القطة

يا ماما انا خايفة... أنا خايفة من القطة